Scene 1:
Shri Obama so rahe the. Itne me Manmohana waha pahuncha aur unhe sota hua dekh sirhaane baith gaya. Thodi der baad Rajnatha bhi waha pahuncha. Usne Manmohana ko dekh ek jhoothi muskurahat fenki aur Shri Obama ke paaon ki taraf pade stool pe baith gaya. Thodi der baad Shri Obama ji ka phone baja - ringtone thi "Chalat musafir moh liyo re Hillary Clintonwaa". Shri Obama jaage. Manmohana aur Rajnatha ko baitha dekh unhone phone pe baat karna thik nahi samjha.
Unhone apni African touch wali muskurahat ke saath poochha - Mitro ! Kaise aana hua ?
Manmohana - Ji apko to gyaat hoga ki MahaIndia yudh shuru hone wala hai. Rani Somaiya ji chaahti hain ki aap humari sahaayta karein.
Rajnatha - Ji namashkar ! Main bhi apki sahayta ki asha lekar aaya hoon.
Manmohana - Pehle main aaya tha. To pehle meri baari.
Rajnatha (gusse me khade hokar) - Ghanta ! Hum prabhu ke sachhe bhakt hain. Bas angrezi se thodi khit pit hai humari. Par bhakti mein koi kami nahi. Yadi humein pehle sahayta maangne ka mauka nahi diya to ye sabha yahi sthagit hogi.
Shri Obama - Baith jaiye please Baith jaaiye. Dono ko mauka milega.
Manmohana - Prabhu ! To kya Meera bhi apki friend hain?
Shri Obama - Arey valentine day waale sawaal baad me poochna. Abhi to meri nazar pehle paaon ki ore baithe huwe pe padi. To Rajnatha ko pehla mauka.
Rajnatha ne Manmohana ki taraf dekh apni muskurahto ko apne kaan tak pahuncha diya.
Manmohana - Theek hai.
Shri Obama to Rajnatha - Guru ! Ho ja shuru !
Rajnatha - Prabhu ! To kya Siddhu paaji bhi apke friend hain?
Shri Obama (in Akshay Kumar of Hera Pheri style) - Aye ! Tu itni tension mat le re ! Waise hi baal kam hai tere. Aisa hi raha to Ganjo ki minority se majority me shaamil hojaayega. Ye tumhare Friendship Day waale sawaal kabhi aur pooch liyo. Abey kyu bachhche ka time kharab kar riya hai. Kaam ki baat bol kaam ki.
Manmohana iss par thoda sa muskuraaya. Thik waise jaise grumpy cat "Isne to hansa diya BC" wale photo meme mein hansti hai.
Shri Obama - Aur haan. Main khud actively part nahi le sakta MahaIndia yudh mein. As Pakistan bura maan jaayega.
Rajnatha - Prabhu ! Humare sabse mahaan yodha ko Visa dene ka kasht karein. Namodi ko.
Manmohana (naam sunte hi khaanste hue) - Prabhu ! Toilet kidhar hai?
Rajnatha ( muskurate hue ) - Jaldi jaao. Jo desh mein failaaya hai , wo yaha Safed House me mat faila dena.
Shri Obama ( Toilet ki taraf ishaara karte hue ) - Udhar jaiye ! Please Udhar jaiye !
Jis speed se Manmohana toilet ke andar bhaage, Ram Gopal Verma ne dekha hota to Bhaag Manmohana Bhaag bana daalte.
Manmohana ke jaate hi...
Rajnatha - Prabhu ! Visa mil jaayega na?
Shri Obama - Dekh Rajnatha. Koi bhi secret talk nahi. Manmohana ke aane ke baad baat karenge. Tum ye batao wo Lakadvani ji kaise hain? Mere par-dada aur wo ek hi umar ke the. Fark sirf itna tha ki mere par-dada itne mahatvakankshi nahi the. To chal basey.
Rajnatha - Prabhu ! Wo par-dada wali daya hum par bhi kar dijiye na... Achche hain Lakadvani ji.
Itne mein Shri Obama ji ka doosra mobile baj utha - ringtone thi " Michelle badnaam hui Obama tere liye".
Shri Obama ( sharmaate hue ) - Hum aate hain.
Thik doosri taraf toilet mein Manmohana bhi mobile pe vyast tha.
Manmohana - Haan. Hello ! Manmohana bol raha.
Doosri taraf se koi bachha bola - Sahebaa. Goonga bola. khi.. khi.. khi.. khi..
Manmohana - Arey Yuvraj Rawula ! Rani Somaiya ko phone dijiye.
Rawula - Arey Uncle, meri nayi speech to sun lo. "India is a fenkular country". Namodi ko troll kar doonga. Aur media mein halla hua tha, to keh doonga " My dad had a dream ki main 'sa' ko 'fa' bolu".
Manmohana ( mann hi mann sochta hai ) - Yaar ye Shakespeare ki mentally-disabled aulaad yudhh me humaari lutiyaa hi nahi poori Swiss baalti bhi dubo dega.. apni moorkhta se.
Rawula - Manmohana Uncle, lijiye mummy aagayi.
Rani Somaiya - Haan Mannu bolo. Wo Italy waalo se baat ho rahi thi. Funds vagerah ke liye. Tum batao. Prabhu Obama maane?
Manmohana - Rani Somaiya ki jai ho ! Andhi Parivaar bina khatm hue hi amar rahe ! Arey Rajnatha bhi yaha aaya hua hai. Aur Namodi ke liye Visa maang raha. Meri to darr ke maare Sherwaani bheeg gayi.
Rani Somaiya - aye???
Manmohana - arey Rani ji paseene se.. paaseene se..
Rani Somaiya - Chinta ka vishaye hai. Khair abhi Diggyacharya aur Sibbalathhama ko bolti hoon. Human Rights aur Secularism waale astra-shastra ka istemaal wo bhali bhaanti jaante hain. Fenku teer bhi istemaal me lene ke rights hain unke paas.
Manmohana - Par main kya maangu. Wo 65 mantriyo waali chitthi ki copy to jeb mein hi reh gayi. Us se pehle hi Rajnatha ne baazi maar li.
Rani Somaiya - Arey chitthi ab mat dikhaao. Maine Prabhu ki ardhaangini Michelle ko bhej di hai. Chitthi waali baat unki bedroom talks mein simat jayegi. Tum funds maango funds...development ke naam par. Poverty eradication ke naam par. Food Security Bill ka jo jhaansa praja ko diya hai , usmein bada maal andar karna hai.
Manmohana - Theek hai.
Idhar Rajnatha hawa me ungliyaa chalaate hue apne aap se hi baat kar raha tha. Shri Obama ka network connection gadbad tha. Manmohana ke aate hi , saubhagya se network bhi aagaya ( Telecom Kraanti isey nahi kehte hain ).
Khair, Shri Obama ka phone lag gaya.
Shri Obama - Haan Michelle bolo?
Smt. Michelle - Jaanu ! Koi letter aaya hai. Shayad Rani Somaiya Andhi ke yahaan se. Spelling mistake hogayi hai. Soniya Gandhi likh diya hai. Par tum to jaante hi ho main kitni smart hoon. To maine jhatt se samajh liya Rani Somaiya ka hai.
Shri Obama - Zaroori meeting mein tha.
Smt Michelle - Arey ! Tum ab mujhe pehle jitna pyaar nahi karte. Hillary jabse sangat mein aayi hai tabse..... U know Barky, I always knew all the guys are same.
Shri Obama - Hah ! As if I classified them on the basis of inches of their assets. Kaam ki baat bolo kaam ki baat.
Smt Michelle - Safed House aati hoon tab khabar leti hoon tumhari. Aur suno ye koi 65 mantriyo ki chithi hai. Kisi Namodi ka Visa na dene ke liye request kiye hain. Naam se to bada hot banda lagta hai. Aur suno , I love You.
Shri Obama ( saamne rakhi Hillary ki tasveer dekhte hue) - I love you two.
Shri Obama ji ne phone kaata. Waapas aakar yatha sthaan viraaje.
Rajnatha - Prabhu ! Namodi ke Visa ke baare me kya socha?
Shri Obama - Dekho ispe vichaar karenge. Humare yaha perfect democracy hai. Tumhare yaha jaisa nahi ki ekk hi family 60 saal se desh chala rahi apni marzi se. Hum vichaar karenge.
Rajnatha rote hue khada hota hai aur kehta hai - Prabhu ! Dhyaan rakhiyega.
Aur aansu pochhte hue nikal jaata hai.
Shri Obama - Ye itna senti kyu hai Namodi ko lekar. Khair ab tum bhi bolo Manmohana.
Manmohana - Prabhu ! Humein apse sirf teen cheezein chahiye. Funds , Funds aur Funds. Taki praja ka vikas ho paaye.
Shri Obama - Haan. Mantriyo ka vyaktigat vikas hi praja ka vikas hai tum logo ke liye to. Khair, koi nahi hum apni Image Sudharak team se baat karenge. Wo jaisi rai denge, hum usi pe amal karenge. Aur is baar Funds ka kuchh hissa apne Yuvraj Rawula pe bhi kharch dena. Taaki uska state of mind thik ho jaaye.
Manmohana - Theek hai.
Manohana ke kaksh se jaate hi ek daas bhaagte hue aata hai.
Das - Prabhu ! Do mail aaye hain- ek Manish Tewari ka aur ek kisi anjaan ka.
Shri Obama - Manish Tewari kaun? Main nahi jaanta. uska mujhe mat bata, delete kar de. Wo anjaan wala bata.
Das - Jo aagya Prabhu ! Us anjaan ne likha hai "Namodi ko Visa na dene waale 2014 ke yuddh ke baad khud Visa maangte firenge".
Shri Obama - Mera bhi Taj Mahal dekhne ka koi plan nahi hai. Khair ab humein vishraam karne do. Jaate jaate Hillary madam ko soochit kar dena Michelle madam shaam se pehle Safed House nahi aane waali.
Shri Obama Safed House ki chhat taakte hue rangeen sapno me kho jaate hain aur wapas so jaate hain.
-----------------------------
The title was changed at the last moment.
Written By - #Agent1947 .
Produced By - Team Mission India Possible.
Supported By - #Agent0015 , #Agent0008 and #Agent1857 .
------------------------------------
Declaimer: This post does not belongs to us by any mean and has been copied originally from the Facebook Page "Mission India Possible". The credits and likes should be given to them.
No comments:
Post a Comment